حجاب دا ولاااااااااا !!!!! ؟

جس الطبيب يدي جهلا فقلت له
إن المحبة في قلبي فخل يدي *

في حياتنا أشخاص لا تكف الروح عن الحديث إليهم ‏،‏ علاقتنا بهم لا تعترف بواقع المسافات و لا الغياب فإنه مهما غابوا عن يومنا تظل مناجاتنا لهم بالروح تحمينا من شعور الفقد القاتل ‏.‏ عزائي هذا القلب الذي ما نبض إلا بمحبتكم و إشتياقاته ما خانت قربكم فدوما في شوق للقرب يا أحبه

دي مش مقدمة بس حاجة كده كان نفسي أكتبها تعبيرا عن شيء بيدور جوايا

في حاجة محيراني اوي من فترة وبتيجي في بالي كتير

الي لابسة الحجاب لبساه ليه ؟؟؟

في ناس لبساه موضة وفي ناس لبساه علشان عيب جيراني يقولوا عليا ايه ! وفي ناس لبساه علشان طلعت لقت اهلها كلهم محجبين وفي ناس لبساه علشان اهلها غصبوا عليها وفي ناس لبسته وقت شده او تشتت نفسي وفي ناس لبساه علشان ربنا …

ياترى بقى احنا مين فيهم … شخصيا لا اهلي جبروني ولا بيهمني كلام الناس ولا كان موضة لما لبسته ولا كنت بمر في ازمة نفسية ولا شده … انا لبسته مقتنعه بانه فرض من ربنا أثاب عليه

حلو اوي لحد هنا وطبعا الحلو مايكملش … علشان في لكن

لكن بقى بتقول انا مش معترفة بالحجاب الي انا لبساه .. لسه النهارده كنت بقول كده لسوما وجيسي كنت بقولهم هو االحجاب اني مغطية شعري وبس على كده الحمد لله .. والبدي الكارينا والبنطلون الجينز والجيبة الديقة والميك اب وال وال وال …….. الخ

شخصيا مش معترفة ا ن ده حجاب خالص ولا عاجبني الي بعمله و والله كنت لسه بقولهم النهارده انا لازم اخد خطوة في اتجاه التغيير للصح للحجاب الي يحتذى بيه مش الي يتف عليه ومش انا لوحدي كنت كمان بقولهم لازم كلنا نعمل كده .. هنفضل كده لغاية امتى بنضحك على نفسنا ؟! يمكن صحيح الاخلاق كويسة والطباع كويسة والحمد لله متربيين احسن تربية لكن دا مايمنعش ان برضو دي مش طريقة حجاب ودي مش طريقة لبس يناسب مواصفات الحجاب

في الاخلاق بنحجبها عن كل رذيلة وفي التعامل عن كل سيء وفي اللبس عن كل ملفت..

يارب اهديني السبيل الصحيح والطريق المستقيم واعني على هوا نفسي وشر الشيطان ….

الحاجة التانية بقى وانا مش بعيب في حد علشان ماحدش عارف عند ربنا مين احسن من مين

لكن لما بشوف واحدة لابسة عباية او اسدال وحاطة ميك اب كامل .. او عماله تهزر مع صحابها او ضحكتها مسمعة اخر الجامعة ببقى نفسي اوي اقولها انتي لبساه ليه حرام عليكي يا شيخة اتقي الله شوفي البنات الي زيك الي لابسين ومحافظين على جمال اللبس ده بجد والله بغبطهم ( الغبطة يعني الحسد بس المحمود ) ونفسي اكون زيهم وبدعي ربنا يجعلني منهم

يبقى ليه تعملي كده ليه الميك اب الي شوهتي بيه نفسك وليه هزارك الي شوهتي بيه صورتك ليه ماتكونيش لابسه اسدالك او عبايتك من جواكي وبراكي .. والله مش بعيب بس بنبه وبحذر وربنا يهدي ..

ربنا يهديني ويهديهم ويهدي كل البنات والشباب كمان ..

يارب اهدي نفسي يارب اعني على هواها يارب اعني على شيطاني يارب كن لي عونا ومعينا وقدرني على طاعتك يارب اعني على ذكرك وشكرك وحسن عبادتك يارب سخر لي من يعينني على هذه الطاعة يارب خذ بيدي يارب كن لي عونا في مضائقي يارب ارضى عني يارب ارضى عني فان لم يكن بك سخط علي فلا ابالي يارب ارضى عني واهدني واعفو عني هفواتي وزلاتي ربي كن عوني وملجأي وملاذي ارحمني واكرمني يــــــــــــــــــــارب ..

على الهامش :

في كل يوم يمر اصنع معروفا واحد لأجل المعروف ذاته ، لا تنتظر مقابل ، افعله من أجل أن تسعد شخصا وإن لم تكن تعرفه ، كلمة طيبة ، هدية ، شئ ممكن أن تساعد به شخصا ، رجلا أو امرأة أو طفلا ، صديقا أو غريبا ، فقط اصنع معروفا واسعد شخصا بذلك ، اجزم أنك ستسعد أنت أيضا ، وسيكون هذا الفعل وقودك لتضل بمزاج معتدل