أنا إسلاميه وأنا أرفض ذلك

عزيزي المواطن الي مدايق علشان لما “الاسلاميين” يمسكوا هيلبسوا المرأه الحجاب طب حبيت بس للمعلوميه أبلغك إن الحجاب فرض ودي نقطه لاجدال فيهاقال تعالى { وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منا وليضربن بخمرهن على جيبوهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولى الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون }.

الي مدايق علشان لما “الاسلاميين” يمسكوا هيمنعوا المايوه أحب اقولك مع كامل عدم احترامي إذا كنت قابل إن زوجتك أو أختك أو بنتك أو أمك أو خالتك أو بنت خالتك أو أي أمرأه من عيلتك تلبس مايوه وتنزل الميه وتبلبط وبعدين تعمل تان وانت فرحان بيها اوي اسمحلي أو ماتسمحش مش فارقه اوي لإن حضرتك ديوث يعني إيه ديوث يعني باختصار مش راجل بلغتنا العاميه البسيطه اوي ، قال رسول الله صلى الله عليه وسلم { ثلاثة لا يدخلون الجنة أبدا : الديوث ، والرجلة من النساء ، ومدمن الخمر قالوا : يا رسول الله ! أما مدمن الخمر فقد عرفناه ، فما الديوث ؟ فقال : الذي لا يبالي من دخل على أهله قلنا : فما الرجلة من النساء . قال : التي تشبه بالرجال }

الي مدايق علشان لما “الاسلاميين” يمسكوا هيمنعوا الخمره طب للمعلوميه الخمره حرام ودي نقطه لاجدال فيها قال تعالى { يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون } وقال صلى الله عليه وسلم { كل مسكر خمر ، و كل مسكر حرام ، و من شرب الخمر في الدنيا فمات و هو لم يتب لم يشربها في الآخرة } .

الي مدايق علشان لما “الاسلاميين” يمسكوا هيقفلوا الكباريهات اه ياعيني صعبان عليك الرقاصه ولا صعبانه عليك السياحه الي هتضرب ، لا مايصعبش عليك غالي لو زعلان على الرقاصه وصعبانه عليك قولها تتهد وتتقي ربنا وتدور على شغلانه شريفه بدل ما تروح النار، ولو السياحه قايمه على الكباريهات يبقى تغور ، في ستين داهيه دي سياحة مخليه سمعة البلد في التراب لا تراب ايه في الزفت والطين علشان انا مايشرفنيش يبقى واجهة مصر ” شارع الهرم ” ولو انت يشرفك يبقى طز فيك وفيها وفي الرقاصه .

الي مدايق علشان لما “الاسلاميين “ يمسكوا هيقطعوا ايد الحرامي وانت زعلان ليه يا اخي هو انت ولا عياذ بالله حرامي !! ولو جينا بقى للحق فالدين أمر بقطع يده ، قال رسول الله صلى الله عليه وسلم { تقطع يد السارق في ربع دينار  } وقال { لعن الله السارق ، يسرق البيضة فتقطع يده ، ويسرق الحبل فتقطع يده } .

الي مدايق إن “الاسلاميين” يمسكوا .. نقطه كده ونرجع الشريط من الأول هما اسلاميين وانت لا ؟؟ هتقولي سلفيين هقولك ياعزيزي كلنا سلف [ السلفية هي منهج إسلامي يدعو إلى فهم الكتاب والسنة بفهم سلف الأمة وهم الصحابة والتابعين وتابعي التابعين باعتباره يمثل نهج الإسلام الأصيل والتمسك بأخذ الأحكام من القرآن الكريم والأحاديث الصحيحة والتمسك بما نقل عن السلف] يعني باختصار هو ما كان عليه الصحابة والتابعون لهم بإحسان إلى يوم الدين، إلا إذا كنت حضرتك من الذين يقولون بأفواههم ماليس في قلوبهم يعني إنت مسلم آه مسلم طب إزاي مكتوب في بطاقتي مسلم { كمثل الحمار يحمل أسفارا } شايل كتب اه بس مش عارف ايه الي جواها .

الي مدايق بقى علشان ازاي يجي واحد يقولك تعمل ايه وماتعملش ايه  اقرأ كده وتدبر ، قال رسول الله صلى الله عليه وسلم { من رأى منكم منكرا فليغيره بيده . فإن لم يستطع فبلسانه . فإن لم يستطع فبقلبه . وذلك أضعف الإيمان } وقال { إإن الدين النصيحة إن الدين النصيحة إن الدين النصيحة قالوا لمن يا رسول الله قال لله ولكتابه ولنبيه ولأئمة المسلمين وعامتهم } وقال { كلكم راع وكلكم مسؤول ، فالإمام راع وهو مسؤول }  يعني ماينفعش تيجي تقولي دا بيني وبين ربنا لا أنا وكل مسلم بما فينا ولي الأمر وبما فينا إنت مأمورين إننا نغير المنكر ونسدي النصيحه وولي الأمر بقى خاصة محاسب على الصغيره قبل الكبيرة ليه علشان ببساطه انت رعيته الي هو مأمور إن هو يتقي الله فيك ويحافظ عليك وهو مسؤول عنك يعني حتى لو حب يسيبك مش هيقدر ليه علشان انت يالي عايز تمشي الدنيا بمزاجك ممكن تدخله النار وهو عايز يدخل الجنه عقبال عندك .

إعرف دينك صح إقرأ قرآن الله وسنة رسوله وهتعرف إن الدين الإسلامي هو مصدر التشريع الأول والآخير وإن وجود ولي أمر ذو مرجعية إسلاميه أبدا لن يضرك بقدر ما سيفيدك ، فالاسلام شريعة تطال جميع جوانب حياة الإنسان والمجتمع وتهدف إلى تنظيمها وتنسيقها سواء الأحكام العقائدية، الأحكام التهذيبية، والأحكام العملية ، يا أخي ربنا قال { وما أرسلناك إلا رحمة للعالمين  } تقوم ترفض انت الرحمه دي ، الكلام دا فقط لمن يفهم ولمن يفهم فقط .

إذا لو سمحت علمانيا أو ليبراليا أوكائنا من كنت من فضلك احترم الرموز الدينيه واحترم الدين قال الله تعالى { وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ } ومن فضلك بلاش تعيب في الأشخاص قال تعالى { يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ } لذا لما تحب تبدي رايك تبديه باحترام دون سخريه وتقليل من شأن أحد ودون استهزاء ،

لإن أنا إسلاميه وأنا أرفض ذلك …