دي شوية من وسائل المواصلات
اولا : موتورجل
عملا بالمقولة اتعشى واتمشى فنبدأ بأول وسيلة للنقل وهي الموتورجل والطريقة دي بتعتمد على انك تكوني لابسة شوز مريح اما لو كنتي بتحبي الشوياكة على حساب الراحة ف ممكن تلبسي شوز كعب عالي بس بشرط لما تكوني رايحة تقيسي طولك متكونش صبحتك دكتورة صيدلانيه وعلشانها صبحتك فجاملتك في 20 سم زيادة بمعنى انها متكونش قالتلك انتي مش قصيرة ازعة انتي طويلة وهبلة وانسي الكعب العالي ده خالص وتفضلي تقولي لنفسك نووووو مينفعش البس كعب عالي كده هبقى عمارة ماشية في الشارع كده هشوف الناس بميكروسكوب وتتفاجئي بالحقيقة المرة انك مش طويلة وهبلة ولا قصيرة ازعة عاااااااااااا
وبعدين دايما لازم يكون معاكي شوز استبن زي الكاوتش الاستبن كده ده في حالة لو هتلبسي كعب عالي
علشان الكعب العالي بيعمل مقالب كتير منها انك تكوني رايحه فرح مثلا وانتي لسه داخله القاعه وفرحانه تلاقي الكعب اتكسر وهيبقى قدامك حل من الاتنين تكسري كعب الفردة التانيه من الشوز او تلبسي الشوز الاستبن
ثانيا : لو بعد الشر عندك سعدية
لو عملتي سبع رجالة في بعض وبتسوقي او بتسوئي من السوء يعني سعدية وباباكي أو أخوكي قالوليك في متاعب هتقابلك واحنا خايفين عليكي منها وعملتي فيها راجل استحملي بقى اللي هيحصلك
اولا : بالنوسبة للمشاة
الغير بشريين
وخصوصا القطط هتلاقي القطط بتعدي الشارع بهدووووووء وخصوصا لو كنتي ماشية على طريق سريع فتضطري تعملي فرملة كبيرة
وتخبطي في الازاز الامامي لسعدية انتي واللي معاكي وتلاقي القطة ماشية بكل ثقة في النفس ومنتظرة انك تقوليلها يا قطططططططة خربش
وتعدي القطة بسلام بعد ما تكون طلعت روحك
ثانيا : المشاة البشريين
بتلاقيهم واقفين في نص الشارع ومهما سعدية تقول بيب مبيتحركوش بييييييب ولا يعبروكي بييييييييييييييييييييييييب يبصولك شذرا وبرضه يفضلو واقفين وفي الوقت ده بيبقى مطلوب منك تركني سعدية وتنزلي تمشي احسنلك
ثالثا : العربيات والموتوسيكلات اللي بيكون راكبها شباب متخلفين عقليا
فخدي بالك هيعاكسوكي وهيقفلوا عليكي الطريق وهيضيقوا عليكي الشارع بحيث انك تدخلي في اي حاجه قدامك زي الشطورة والموضوع ده بيحصل كتييييير واحيانا بيوصل لحوادث ممكن توصل للوفاة او لإصابات خطيرة
رابعا : خدي بالك ان نص السواقين مبرشمين او بيشمو خليط من النمل على الدبان المحروق وده بيعمل مزاج فظيع بيخليهم ماشيين مش شايفين قدامهم فتلاقي العربية بتاعتهم بتتمرجح او واحد ماشي في نص الطريق بشوييييييش وانتي والعربيات اللي وراكي مش عارفين تعدو علشان تمشو بسرعه علشان الطرق الجميلة الواااااسعة في بلدنا ويا سلام لما تكوني ماشية بسرعه وتلاقي عربيات هاجمه عليكي وسعدية ما بين العربيات دي ويا سلام كمان لما تكوني بتعدي اتوبيس او مقطورة او عربية نقل كبيرة وتبقي وصلتي لنص المقطورة وفجأه تلاقيها بتحود عليكي ويبقى قدامك فرصة انك تقولي الشهادة بس او تبقي ماشيه على الطريق السريع وتلاقي قدامك حفرة كبيييييرة وجنبك عربيات مش راضيين يدوكي طريق وتبصي تلاقي انك اترزعتي انتي وسعدية في الحفرة دي او على العكس ودي الاخطر فجأه تلاقي هرم من الزلط والرمل وده برضه على الطريق السريع قدامك مباشرة من غير اي تنبيه وفي الحالة دي برضه مفيش حد بيديكي طريق وبالتالي ممكن بعد الشر بعد الشر العربية تعمل زي افلام الاكشن ومش هكمل الباقي عاااااااااااااااااااا
علشان كده بحمد ربنا كل يوم اني مش عندي سعدية
خامسا: الميكروباظ وده مش هتكلم عليه كتير كفاية ان اوله ميكروب
واخره باظ ف يجب القضاء عليه اصلا
ياعيني على البنات من وسائل المواصلات
أغنية النهارده بقى أغنية ( اتفرج على نفسك ) لاصالة بس عجباني اوي مليانة تحدي كده
وحاسة انها كمان شوية هتطلع لسانها وتلعب ودانها بس بردو حلوة
على الهامش :
صحيحُ أنّي وحيدَة في كُلّ شئْ ..!
صحيحُ أنّ الوحدَة أليمَة ومُرّةْ وليسَ أيّاً كَـانْ يستطيعُ أن يتكيّفَ معهَـا؛
الأهمّ من ذلكَ كُلّه ..!
أنْ أبقـى {شامخة} رغمَ وحدتــيِ ..!
اترك تعليقاً